ویب ڈیسک: ملک بھر میں سونا مزید مہنگا ہو گیا جس کے بعد فی تولہ کی قیمت 3لاکھ 8ہزار روپے کی نئی بلند ترین سطح پر پہنچ گئی ۔
تفصیلات کے مطابق ملک بھر میں سونے کی قیمتوں میں مسلسل اضافے کا سلسلہ جاری ہے جس کے نتیجے میں آج بھی فی تولہ سونے کے نرخ 3ہزار 800روپے بڑھ کر 3لاکھ 8ہزار روپے کی نئی بلند ترین سطح پر پہنچ گئے۔
آل پاکستان صرافہ جیمز اینڈ جیولرز ایسوسی ایشن نے بتایا کہ 24 قیراط کے حامل خالص سونے کے فی تولہ دام 3 ہزار 800 روپے بڑھ کر 3 لاکھ 8 ہزار روپے ریکارڈ کیے گئے۔
24 قیراط 10 گرام سونے کے نرخ 3 ہزار 258 روپے اضافے سے 2 لاکھ 64 ہزار 60 روپے ہوگئے جبکہ 22 قیراط 10 گرام سونا 2 ہزار 986 روپے اضافے کے بعد 2 لاکھ 42 ہزار 63 روپے میں فروخت ہوا۔
ادھر، چاندی کی فی تولہ اور 10 گرام قیمتیں بھی بالترتیب 90 اور 77 روپے اضافے سے 3 ہزار 440 روپے اور 2 ہزار 949 روپے ریکارڈ کی گئی۔
ایسوسی ایشن نے رپورٹ کیا کہ عالمی منڈی میں فی اونس سونا 34 ڈالر بڑھ کر 2 ہزار 944 ڈالر تک پہنچ گیا۔
واضح رہے کہ 2024 کے اختتام پر ملک بھر میں سونے کی فی تولہ قیمت 2 لاکھ 72 ہزار 600 روپے ریکارڈ کی گئی تھی۔
