ویب ڈیسک: قطر کے سفیر کی وزیرداخلہ سے ملاقات ہوئی، ملاقات میںجہاں دیگر اہم امور پر تبادلہ خیال کیا گیا، وہیں انسداد منشیات بارے باہمی تعاون پر اتفاق بھی پایا گیا.
وفاقی وزیرداخلہ محسن نقوی سے قطر کے سفیرعلی مبارک علی عیسی الخطیر نے ملاقات کی، دونوںرہنماوں کے مابین باہمی دلچسپی کے امور، دوطرفہ تعلقات اور مختلف شعبوں میں تعاون بڑھانے پر تبادلہ خیال کیا گیا۔ اس دوران قطر میں قید پاکستانی شہریوں کی رہائی کے حوالے سے بھی بات چیت کی گئی.
قطر کے سفیر اور وزیر داخلہ کے مابین ہونے والی ملاقات میں انسداد منشیات بارے باہمی تعاون بڑھانے پر اتفاق کیا گیا، اس موقع پر قطر کے سفیر نے وزیر داخلہ محسن نقوی کو قطر کے دورے کی دعوت بھی دی۔ وفاقی وزیر داخلہ محسن نقوی کااس موقع پر کہنا تھا کہ قطر سے انتہائی قریبی تعلقات ہیں، جلد دورہ کر کے ہم منصب سے ملاقات کروں گا۔
انہوں نے کہا کہ انسداد منشیات کے بارے میٰںخلیجی ممالک کی کانفرنس اپریل میں اسلام آباد میں ہو رہی ہے، اس کانفرنس میں قطر کے انسداد منشیات ڈیپارٹمنٹ کے سربراہ کو شرکت کی دعوت دی گئی ہے، اس حوالے سے دوست ممالک کے ساتھ قریبی اشتراک کار چاہتے ہیں۔
