ویب ڈیسک: مشکلات کا شکار عوام کیلئے خوشخبری، 8تا 10 روپے بجلی سستی کرنے کا نیا منصوبہ تیار، قرضوں کی ادائیگی میں 1 اعشاریہ 3 کھرب روپے کی کمی سے پیدا ہونے والی مالی گنجائش کو استعمال کیا جائے گا .
تفصیلات کے مطابق بجلی کے نرخوں میں کمی کے لیے ٹیکسوں میں کمی کے منصوبے کو آئی ایم ایف کی جانب سے مسترد کیا گیا تحا، اس کے بعد 8تا 10 روپے بجلی سستی کرنے کا نیا منصوبہ تیار کر لیا گیا ہے، اس نئے منصوبے کے تحت بنیادی ٹیرف میں فی یونٹ آٹھ سے دس روپے تک کمی کی جائے گی، اور گردشی قرضے کے حجم کو بھی ختم کیا جائے گا۔
اس منصوبے کے تحت، قرضوں کی ادائیگی میں 1اعشاریہ3 کھرب روپے کی کمی سے پیدا ہونے والی مالی گنجائش کو استعمال کیا جائے گا تاکہ بجلی کے شعبے میں جاری مالی نقصانات حل کئے جا سکیں۔ ذرائع نے اس حوالے سے بتایا کہ اس دستیاب مالی گنجائش کا ایک بڑا حصہ، تقریباً ایک کھرب روپے گردشی قرضے کے ذخائر ختم کرنے کے لیے استعمال کیا جائے گا۔
ذرائع کا کہنا ہے کہ آئی ایم ایف کا جائزہ مشن آئندہ ماہ کی پہلی تاریخوں میں، یعنی 4 مارچ 2025 سے اسلام آباد کا دورہ کرے گا تاکہ 7 ارب ڈالر کے توسیعی فنڈ سہولت کے پہلے جائزے پر مذاکرات کیے جا سکیں۔
