ویب ڈیسک: حکومت کی ڈی ریگولیشن پالیسی مسترد کرتے ہوئے پاکستان پٹرولیم ڈیلرز نے ملک بھر میں پٹرول پمپ بند کرنے کا اشارہ دیدیا۔
آل پاکستان پٹرولیم ڈیلرز ایسوسی ایشن کے مطابق پٹرولیم مصنوعات کی قیمتوں کے حوالے سے ڈی ریگولیشن پالیسی مسترد کرتے ہیں کیونکہ ڈی ریگولیشن فارمولے پر عمل درآمد کی صورت میں پیٹرلیم سمگلنگ اور ملاوٹ کا سلسلہ شروع ہوجائے گا۔
یاد رہے پٹرولیم مصنوعات کی قیمتوں کو ڈی ریگولیٹ کرنے سے پیڑول پمپس اپنی قیمت کا تعین خود کرے گا۔ اس سلسلے میں پٹرولیم ڈیلرز ایسوسی ایشن کی سینٹرل کمیٹی کا ہنگامی اجلاس طلب کرلیا گیا ہے اور آج سے ہی ملک بھر میں احتجاجی بینرز آویزاں کردیے جائیں گے۔
پیٹرولیم ایسوسی ایشن کے مطابق وزارت پٹرولیم کو ہنگامی خط میں ڈی ریگولیشن فارمولے کی مخالفت اور مارجن بڑھانے کا مطالبہ کیا جائیگا۔ انہوں نے مطالبہ کیا کہ پیٹرولیم ڈیلرز کا فی لیٹر مارجن 4فیصد اضافے سے 13روپے کیا جائے۔
