ویب ڈیسک: پاکستان میں سال کا تیسرا پولیو کیس سندھ سے رپورٹ ہوا ہے، سندھ میں پولیو کیسز کی مجموعی تعداد دو اور خیبر پختونخوا میں ایک ہوگئی ہے۔
تفصیلات کے مطابق پاکستان میںتیسرا وائلڈ پولیو وائرس ٹائپ 1 کیس کی تصدیق ہوگئی ہے، جبکہ اس کے ساتھ ہی سندھ میں پولیو کیسز کی مجموعی تعداد دو ہو گئی جبکہ خیبر پختونخوا میں رواں سال صرف ایک کیس رپورٹ ہوا ہے۔
انسداد پولیو پروگرام کے مطابق صوبہ سندھ کے ضلع لاڑکانہ سے ایک پولیو کیس سامنے آیا ہے، جو رواں سال صوبے میں رپورٹ ہونے والا دوسرا کیس ہے۔ اس کے ساتھ ہی سندھ میں پولیو کیسز کی مجموعی تعداد دو ہوگئی۔ گزشتہ سال 2024 میں ملک بھر میں 74 پولیو کیسز رپورٹ ہوئے تھے، جن میں سے 27 بلوچستان، 22 خیبرپختونخوا، 23 سندھ، جبکہ ایک، ایک پنجاب اور اسلام آباد سے سامنے آیا تھا۔
انسداد پولیو پروگرام کی رپورٹ میںبتایا گیا ہے کہ 2025 کی پہلی ملک گیر پولیو مہم کامیابی کے ساتھ اختتام پذیر ہوچکی ہے، جس میں 99 فیصد اہداف حاصل کیے گئے۔ یہ انسداد پولیو مہم 3 تا 9 فروری جاری رہی، جس دوران 45 ملین سے زائد بچوں کو پولیو سے بچاو کے قطرے پلائے گئے۔
موجودہ صورتحال مٰیںملک بھر میں بگ کیچ اپ سرگرمی کا دوسرا دور جاری ہے، جس میں 5 سال تک کے بچوں کو ای پی آئی اینٹیجنز کے ٹیکے لگوائے جارہے ہیں۔ یاد رہے پاکستان میں سال کا تیسرا پولیو کیس سندھ سے رپورٹ ہوا ہے، سندھ میں پولیو کیسز کی مجموعی تعداد دو اور خیبر پختونخوا میں ایک ہوگئی ہے۔
