ویب ڈیسک: پاکستان میں مغربی ہواؤں کا ایک اور سسٹم کل داخل ہو گیا جس کے نتیجے میں 25 فروری سے یکم مارچ کے دوران بارش و برفباری متوقع ہے ۔
محکمہ موسمیات کے مطابق سسٹم کے تحت 25 سے 28 فروری کے دوران لاہور، ٹوبہ ٹیک سنگھ، جھنگ، فیصل آباد، شیخو پورہ، نارووال، میانوالی، سیالکوٹ، سرگودھا، بھکر، خوشاب، حافظ آباد، گجرانوالہ، منڈی بہاالدین اور گجرات میں بارش کا امکان ہے
دیں اثناء محکمہ موسمیات نے مری اور گلیات سمیت دیگر پہاڑی علاقوں میں بھی بارش اور برفباری کی پیش گوئی ہے۔
ملتان، ڈیرہ غازی خان، لیہ، مظفر گڑھ، خانیوال، ساہیوال، پاکپتن، اوکاڑہ اور بہاولنگر میں بھی 25 سے 27 فروری تک ہلکی بارش کے امکانات ہیں۔
ڈائریکٹر جنرل پی ڈی ایم اے عرفان علی کاٹھیا کا کہنا تھا کہ سیاح موسمی صورتحال کو مد نظر رکھتے ہوئے اپنا پروگرام ترتیب دیں۔
