ویب ڈیسک: بالا کوٹ کے سیاحتی سری پائے میں راستہ بھٹکنے والے دو غیر ملکی سیاحوں کو ریسکیو کرلیا گیا ۔
تفصیلات کے مطابق بالا کوٹ کے سیاحتی مقام شوگراں میں موجود دو غیر ملکی سیاح جو سیاحتی مقام سری پائے پر موجود چار فٹ سے زائد برف پر سکینگ سے لطف اندوز ہو رہے تھے کہ مکھڑا پائے کی طرف نکل جانے کے بعد راستہ بھٹک گئے ۔
سیکورٹی پر موجود اہلکاروں کی اطلاع پر کاغان ڈویلپمنٹ اتھارٹی کے ڈائریکٹر جنرل شبیر خان کی خصوصی ہدایت پر کے ڈی اے سٹاف نے مقامی پولیس آور ٹورزم پولیس کے ہمراہ رات گئے ویران اور خطرناک راستوں پر سری پائے کے سرچ آپریشن کے بعد کوہ مکھڑا کے دامن کے بیس میں موجود دونوں غیر ملکیوں کو صبح سات بجے ریسکیو کر لیا ۔
دونوں غیر ملکی سیاحوں نے اندھیرے کے باعث رات بیس میں گزاری ۔
