ویب ڈیسک: اسرائیلی فوج کی جانب سے حزب اللہ کے سابق سربراہ حسن نصرت اللہ پر کئے جانے والے فضائی حملے کی ویڈیو جاری کردی گئی۔
اسرائیلی میڈیا کے مطابق حملے میں اسرائیلی جنگی طیاروں نے بیروت کے جنوبی علاقے ضاحیہ میں حزب اللہ کے مرکزی زیرِ زمین ہیڈکوارٹر پر 82 بم گرائے تھے جس سے کئی عمارتیں زمین بوس ہو گئیں۔
ویڈیو آج لبنان کے دارالحکومت بیروت میں حسن نصر اللہ اور ان کے بعد حزب اللہ کے سربراہ نامزد ہونے والے ہاشم صفی الدین کے جنازے کے بعد جاری کی گئی ہے۔
اسرائیلی فوج کے مطابق یہ حملہ 27 ستمبر 2024 کو شام 6 بج کر 21 منٹ پر آپریشن نیو آرڈر کے نام سے کیا گیا تھا۔
اسرائیلی فوج کے مطابق، اس حملے میں حسن نصراللہ کے علاوہ حزب اللہ کے 20 سے زائد کمانڈرز بھی شہید ہوئے تھے۔
دوسری جانب آج حزب اللہ کے شہید سربراہان سید حسن نصراللہ اور ہاشم صفی الدین کے جنازے پر اسرائیلی جنگی طیاروں نے نچلی پرواز کی۔
