ویب ڈیسک: مشیر اطلاعات پختونخوا بیرسٹر محمد علی سیف نے کہا ہے کہ جعلی وزیرِ اعلی مریم نواز نے سڑک کو چونا لگانے کی کوشش میں قومی خزانے کو چونا لگا دیا۔
اپنے بیان میں مشیر اطلاعات خیبر پختونخوا بیرسٹر محمد علی سیف کا کہنا تھا کہ مریم نواز معیاری ترقیاتی منصوبوں کے لیے وزیراعلیٰ خیبر پختونخوا علی گنڈاپور سے خاص تربیت لیں۔
انہوں نے کہا کہ لاہور کا گرین لائن منصوبہ نااہل وزیرِ اعلی مریم نواز کے تمام منصوبوں کی عکاسی کرتا ہے ،معیاری ترقیاتی منصوبوں کے لیے علی امین گنڈا پور سے خصوصی تربیت لینے کی ضرورت ہے۔
انہوں نے کہا کہ جعلی وزیرِ اعلی مریم نواز نے سڑک کو چونا لگانے کی کوشش میں قومی خزانے کو چونا لگا دیا۔ پہلی بارش نے بائیکرز کے لیے بنائے گئے کروڑوں روپے کے منصوبے کا پول کھول دیا۔
انہوں نے کہا کہ ترقیاتی منصوبوں میں کام سے زیادہ کمیشن لینا شریف خاندان کا پرانا وتیرہ ہے۔ صرف ٹک ٹاک بنانے کی غرض سے بنائے گئے منصوبوں کا یہی حال ہوتا ہے۔
مشیر اطلاعات کا کہنا تھا کہ عوام کے ٹیکسوں کا پیسہ راج کماری مریم نواز اپنی نااہلی کی نذر کر رہی ہیں پنجاب کے تمام منصوبے جعلی وزیرِ اعلی کی طرح جعلی ثابت ہو رہے ہیں۔
