ویب ڈیسک: آئی سی سی چیمپیئنز ٹرافی کے چھٹے اور اہم میچ میں بنگلہ دیش اور نیوزی لینڈ آج راولپنڈی کرکٹ سٹیڈیم میں مد مقابل ہوں گے ۔
نیوزی لینڈ اور بنگلہ دیش کے درمیان آج کھیلا جانے والا میچ پاکستان کے لئے بھی اہم ہے، اگر بنگلہ دیش نیوزی لینڈ کو شکست دینے میں کامیاب ہوتا ہے تو پھر پاکستان کے سیمی کھیلنے کے چانسز موجود رہیں گے۔
نیوزی لینڈ نے اپنے پہلے میچ میں پاکستان کو 60 رنز سے شکست دی تھی، نیوزی لینڈ کی قیادت مچل سینٹنر کریں گے اور دیگر نمایاں کھلاڑیوں میں کین ولیمسن، ڈیرل مچل، گلین فلپس، ٹام لیتھم، مائیکل بریسویل، ڈیون کونوے شامل ہیں۔
بنگلہ دیش اپنا پہلا میچ بھارت سے 6 وکٹوں سے ہار گیا تھا، نجم الحسن شانتو بنگلہ دیشی ٹیم کی قیادت کریں گے، بنگلہ دیش کو ایونٹ میں رہنے کے لئے ایک فتح درکار ہے، اس میچ کے بعد بنگلہ دیش کاپاکستان کے ساتھ ایک میچ رہ جائے گا۔
