ویب ڈیسک: پاکستان تحریک انصاف ( پی ٹی آئی ) خیبر پختونخوا نے بانی عمران خان کے کیسز میں تاخیر کے خلاف احتجاج کل کال دے دی ۔
اس سلسلے میں خیبر پختونخوا کے تمام اضلاع میں 25فروری کو احتجاجی مظاہرے کیے جائیں گے؟پی ٹی آئی کے صوبائی صدر جنید اکبر نے تمام ضلعی عہدیداروں کو تیاریوں کی ہدایات جاری کر دیں ۔
پی ٹی آئی قیادت کے مطابق صوبائی دارالحکومت پشاور میں اسمبلی چوک میں احتجاجی مظاہرہ کیا جائے گا جبکہ صوبے بھر میں دیگر مقامات پر بھی احتجاج کے لیے حکمت عملی ترتیب دی جارہی ہے۔
قیادت کا کہنا ہے کہ بانی پی ٹی آئی کے کیسز میں مسلسل تاخیر کے خلاف یہ احتجاج کیا جا رہا ہے تاکہ ان کے مقدمات جلد از جلد سنے جائیں۔
