ویب ڈیسک: مشیر اطلاعات و تعلقات عامہ خیبرپختونخوا بیرسٹر ڈاکٹر سیف نے گورنر کے خط پر ردعمل دیتے ہوئے کہا ہے کہ صوبے کے مسائل نہیں اپنے آقاؤں کو خوش کرنا گورنر کی ترجیحات ہیں، گورنر وفاق کو ایک خط صوبے کے حقوق پر بھی لکھ لیں۔
بیرسٹر ڈاکٹر سیف نے کہا کہ صوبے کے مسائل نہیں اپنے آقاؤں کو خوش کرنا گورنر کی ترجیحات ہیں، انہیں اس سے کوئی سروکار نہیں کہ صوبے کے مسائل کا کیا بنا۔ گورنر ایک خط وفاق کو صوبے کے حقوق پر بھی لکھ دیں، جس میں صوبے کے بقایا جات کی ادائیگی، سوتیلی ماں جیسے سلوک کے خاتمے اور این ایف سی ایوارڈ میں پورا حصہ دینے کی استدعا کرنا شامل ہو۔
انہوں نے مزید کہا کہ گورنر کا تو ویسے بھی کوئی کام نہیں، صرف خط ہی لکھ سکتے ہیں، آج کل گورنر ہاؤس کا کردار محض ایک ڈاک خانے جیسا ہے، جہاں ایک مسترد شدہ ڈاکیا بیٹھا ہے۔ انہیں چاہئے کہ وزیراعلیٰ خیبرپختونخوا علی امین گنڈاپور کی طرح صوبے کی فلاح و بہبود کے لیے ایک قدم آگے بڑھ کر کچھ کریں۔
بیرسٹر ڈاکٹر سیف نے گورنر کے خط پر ردعمل دیتے ہوئے کہا ہے کہ صوبے کے مسائل نہیں اپنے آقاؤں کو خوش کرنا گورنر کی ترجیحات ہیں، گورنر وفاق کو ایک خط صوبے کے حقوق پر بھی لکھ لیں۔
