ویب ڈیسک: غزہ میں خون جماتی سردی کے باعث 6نومولود بچے جان کی بازی ہار گئے جبکہ ہسپتالوں میں داخل متعدد بچوں کی حالت تشویشناک ہوگئی ہے ۔
میڈیا رپورٹس کے مطابق غزہ میں اس وقت خون جماتی سردی پڑ رہی ہے جس کے باعث 6نومولود بچے جاں بحق ہو گئے جبکہ ہسپتالوں میں متعدد بچوں کی حالت تشویشناک بتائی جارہی ہے ۔
حماس نے قابض حکومت پر تنقید کرتے ہوئے کہا کہ قابض اسرائیلی حکومت نے 20 لاکھ سے زائد فلسطینیوں کو محصور کر رکھا ہے،فلسطینیوں کو ضروری امدادی سامان، طبی سہولیات سے محروم رکھا جارہا ہے، معاملے پر عالمی برادری کی مجرمانہ خاموشی اور بے حسی قابل مذمت ہے۔
حماس ترجمان کے مطابق غزہ میں ایک طرف شہریوں کو اسرائیل کی بمباری کا سامنا کرنا پڑرہا ہے، وہیں خوراک کا بحران اور سخت سردی بھی ان کی جانیں لینے پر تلی ہوئی ہے۔
سرد موسم نے 6 معصوم فلسطینی بچوں کی جان لے لی ہے جن کے پاس پہننے اوڑھنے کے لیے گرم کپڑے نہیں تھے۔
