ویب ڈیسک: مہنگائی کے ستائے عوام پر مزید بوجھ ، یکم مارچ سے پٹرول مزید 4 روپے لیٹر مہنگا جبکہ اس کے ساتھ ہی ہائی سپیڈ ڈیزل اور مٹی کا تیل سستا ہونے کا امکان ہے۔
بین الاقوامی مارکیٹ میں تیل کی قیمتیں 3 فیصد کم ہونے کے باوجود پاکستان میں یکم مارچ سے پٹرول مزید 4 روپے مہنگا ہونے کا امکان ہے، جبکہ ہائی سپیڈ ڈیزل اور مٹی کا تیل ایک روپے فی لیٹر سستا ہو سکتا ہے۔
پیٹرول کی قیمتوں میں اضافے کا تخمینہ بین الاقوامی نرخوں میں معمولی اضافے اور ڈالر کے مقابلے میں شرح تبادلہ میں کمی کی وجہ سے لگایا گیا ہے، اس حوالے سے بتایا گیا ہے کہ بینچ مارک برینٹ کی قیمتیں عام طور پر گزشتہ 10 دنوں کے دوران مستحکم رہی ہیں۔ ذرائع کے مطابق ایکس ڈپو پیٹرول کی قیمت اس وقت 256 روپے 13 پیسے فی لیٹر اور ہائی سپیڈ ڈیزل کی قیمت 263 روپے 95 پیسے فی لیٹر ہے۔
