ویب ڈیسک: رمضان المبارک کے دوران گیس لوڈ شیڈنگ کے اوقات جاری کر دیئے گئے ہیں، جاری اعلامیہ کے مطابق سحر وافطار میں بلا تعطل گیس فراہم کی جائے گی۔
تفصیلات کے مطابق ترجمان سوئی سدرن گیس کمپنی کی جانب سے بتایا گیا ہے کہ رمضان المبارک میں گیس کی دستیابی کے اوقات جاری کردیے گئے ہیں، جس کے تحت صارفین کو سحر وافطار میں بلا تعطل گیس فراہم کی جائے گی۔
انہوں نے کہا کہ دن کے اوقات میں ساڑھے 3 بجے سہ پہر سے رات 10 بجے تک جبکہ رات 3 بجے سے صبح 9 بجے تک گیس کی فراہمی جاری رہے گی۔
ترجمان نے مزید بتایا کہ سوئی سدرن گیس کمپنی کے صارفین کو صبح 9 بجے سے سہ پہر ساڑھے تین بجے تک گیس کی سپلائی بند رہے گی، رات 10 بجے سے رات 3 بجے تک بھی گیس کی فراہمی معطل رہے گی۔
