ویب ڈیسک: مشیر اطلاعات و تعلقات عامہ خیبرپختونخوا بیرسٹر ڈاکٹر سیف نے رمضان و عید پیکچ کے حوالے سے کہا ہے کہ خیبرپختونخوا حکومت نے ہر مستحق خاندان کو 10ہزار روپے دینے کا اعلان کیا ہے.
انہوں نے کہا کہ صوبائی حکومت کی جانب سے روایت برقرار رکھتے ہوئے رواں سال بھی رمضان اور عید پیکیج دینے کا اعلان کیا گیا ہے، یہ پیکیج صوبے کے مستحق خاندانوں کو فراہم کیا جائے گا، ہر مستحق خاندان کو 10 ہزار روپے دینے کا اعلان کیا گیا ہے، صوبے کے 10 لاکھ سے زائد مستحق خاندانوں کو امدادی پیکیج فراہم کیا جائے گا۔
ان کا کہنا تھا کہ امدادی پیکیج 15 رمضان سے قبل بینکوں اور ایزی پیسہ پر مستحق خاندانوں کو فراہم کیا جائے گا،جبکہ اس دوران رقوم ٹرانسفر کے اضافی چارجز حکومت برداشت کرے گی تاکہ مستحق افراد کو پوری رقم ملے۔
بیرسٹر ڈاکٹر سیف نے مزید کہا کہ وزیراعلیٰ خیبرپختونخوا سردار علی امین گنڈاپور کی ہدایات ہیں کہ امدادی پیکیجز مکمل شفافیت کے ساتھ مستحق افراد تک پہنچائے جائیں، وزیراعلیٰ خیبرپختونخوا نے یتیم اور دہشت گردی سے متاثرہ افراد کو ترجیحی بنیادوں پر پیکیج فراہم کرنے کی ہدایت کی ہے۔انہوں نے رمضان و عید پیکچ کے حوالے سے کہا ہے کہ خیبرپختونخوا حکومت نے ہر مستحق خاندان کو 10ہزار روپے دینے کا اعلان کیا ہے.
