ویب ڈیسک: ایبٹ آباد میں مسافر گاڑی حادثے کا شکار ہو گئی جس میں 4افراد جاں بحق ہو گئے ۔
مقامی ذرائع کے مطابق حادثہ ایبٹ آباد کے سیاحتی مقام ایوبیہ کے قریب گاؤں ریالہ میں پیش آیا جہاں راولپنڈی سے لہو کس جانے والی ہائی ایس گاڑی گہری کھائی میں جا گری ۔
حادثے کے نتیجے میں 4افراد جاں بحق ہو گئے جبکہ کئی کے زخمی ہونے کی اطلاعات ہیں ۔
مقامی ذرائع نے بتایا کہ ضلعی انتظامیہ یا ریسکیو کی ٹیمیں جائے حادثہ پر نہیں پہنچیں تیز بارش کے باوجود مقامی افراد اپنی مدد آپ کے تحت امدادی سرگرمیوں میں مصروف ہیں ۔
