ویب ڈیسک: وزیر اعلیٰ خیبرپختونخوا کی دارلعلوم حقانیہ کی جامع مسجد میں دھماکہ کی شدید مذمت، متعلقہ حکام سے افسوسناک واقعہ کی رپورٹ طلب کر لی.
تفسیلات کے مطابق وزیر اعلیٰ خیبرپختونخوا علی امین خان گنڈاپور نے دارالعلوم حقانیہ کی جامع مسجد میںدھماکہ کی شدید مذمت کی ہے, اور اس کے ساتھ ہی انہوں نے متعلقہ حکام سے افسوسناک واقعہ کی رپورٹ طلب کر لی.
وزیراعلی نے ہدایت کی ہے کہ واقعہ کے تمام پہلوؤں کا جائزہ لے کر مکمل رپورٹ پیش کی جائے، وزیر اعلیٰ نے واقعہ میں زخمی ہونے والے افراد کو بروقت ریسکیو کرنے اور انہیں بہترین طبی سہولیات فراہم کرنے کی بھی ہدایت کی ہے.
انہوںنے کہا کہ عبادت گاہ میں معصوم لوگوں کو دہشت گردی کا نشانا بنانا غیر انسانی فعل ہے، اس واقعہ کی جتنی بھی مذمت کی جائے کم ہے، دلخراش واقعہ میں ملوث عناصر کو قانون کے کٹہرے میں لانے کے لیے تمام تر دستیاب وسائل بروئے کار لائے جائیں.
