ویب ڈیسک: پشاور کے تاریخی مسجد قاسم علی خان میں مفتی شہاب الدین پوپلزئی نے بھی رمضان کا چاند نظر نہ آنے کا اعلان کرتے ہوئے کہا ہے کہ پہلا روزہ اتوار کو ہوگا ۔
رمضان المبارک کے چاند سے متعلق مقامی غیر سرکاری رویت ہلال کمیٹی کا باضابطہ اجلاس مسجد قاسم علی خان میں منعقد ہوا جس کی صدارت مفتی شہاب الدین پوپلزئی نے کی۔
مسجد قاسم علی خان میں منعقدہ اجلاس میں مختلف علاقوں سے تعلق رکھنے والے علما نے شرکت کی۔
اجلاس کے دوران شرکا کو کہیں سے بھی چاند نظر آنے کی شہادت موصول نہیں ہوئی۔
اجلاس کے اختتام پر مفتی شہاب الدین پوپلزئی نے رویت ہلال نہ ہونے پر دو مارچ بروز اتوار کو یکم رمضان المبارک کا اعلان کردیا۔
