ویب ڈیسک: عالمی مالیاتی ادارے سے 7ارب ڈالر کے بیل آئوٹ پیکیج کے تحت ایک ارب ڈالر کی اگلی قسط ملنے کے حوالے سے اہم پیشرفت سامنے آئی ہے اس سلسلے میں آئی ایم ایف کا جائزہ مشن کل اسلام آباد پہنچے گا۔
ذرائع کے مطابق عالمی مالیاتی ادارے کا 9 رکنی وفد نیتھن پورٹر کی قیادت میں دو ہفتے پاکستان میں قیام کرے گا،اقتصادی جائزہ مذاکرات 15 مارچ تک جاری رہیں گے۔
آئی ایم ایف اور پاکستانی حکام کے درمیان پہلے مرحلے میں تکنیکی اور دوسرے مرحلے میں پالیسی سطح پر مذاکرات ہوں گے۔
مذاکرات کے دوران وفد آئندہ مالی سال کے بجٹ کے لیے تجاویز بھی پیش کرے گا جس سے تنخواہ دار طبقے کو ریلیف ملنے کا امکان ہے۔
وفد کے وزارت خزانہ، توانائی، منصوبہ بندی اور اسٹیٹ بینک سمیت مختلف اداروں کے ساتھ مذاکرات شیڈول ہیں۔
