ویب ڈیسک: مسلم لیگ ن کے سینئر رہنماء سینیٹر عرفان صدیقی نے کہا ہے کہ حکومت کو اپوزیشن اتحاد سے کوئی خطرہ نہیں ہے، اتحاد کے کامیاب ہونے کا کوئی امکان موجود نہیں۔
نجی ٹی وی سے گفتگو کرتے ہوئے لیگی رہنماء سینیٹر عرفان صدیقی کا کہنا تھا کہ موجودہ حکومت نے معیشت کی بحالی میں بہتر کارکردگی کا مظاہرہ کیا ہے، تحریک انصاف تشدد اور افرا تفری میں پروان چڑھی ہے، جس کی بدولت اتحاد کمزور ہی رہے گا۔
انہوں نے مزید کہا کہ تحریک انصاف سے ہاتھ ملانے والی جماعتیں جمہوری روایات کی پاسداری کرتی ہیں لیکن تحریک انصاف کے غیر جمہوری اقدامات کی وجہ سے اس اتحاد کے کامیاب ہونے کا کوئی امکان موجود نہیں۔
