ویب ڈیسک: سابق وزیراعلیٰ خیبرپختونخوا پرویزخٹک کی وفاقی کابینہ میں شمولیت پر ن لیگی رہنماؤں کی جانب سے تحفظات کا اظہار کیا گیا۔
تفصیلات کے مطابق تحریک انصاف دور کے وزیر دفاع اور سابق وزیراعلیٰ خیبرپختونخوا پرویزخٹک کی وفاقی کابینہ میں شمولیت پر (ن) لیگ کے کچھ رہنماؤں نے تحفظات کا اظہار کیا ہے۔
رہنما ن لیگ اختیار ولی نے کہا ہے کہ وفاقی کابینہ میں پرویز خٹک کی شمولیت پر (ن) لیگ کے کچھ رہنماؤں نے تحفظات ظاہر کیے ہیں۔ ہمارے لیڈر کو گالی دینے کی وجہ سے انہوں نے 15، 16 سالوں سے پرویز خٹک سے بات تک نہیں کی۔
لیگی رہنما کا کہنا تھا یہ تاثر ابھر رہا ہے کہ مسلم لیگ (ن) میں رہتے ہوئے اگر کسی بندے کے پاس پنجاب کا ڈومیسائل نہ ہو تو وہ ہلکا رہ جاتا ہے۔
