ویب ڈیسک: آئی سی سی چمپئنز ٹرافی کے سیمی فائنل سے قبل آسٹریلیا کو دھچکا لگا ہے، کینگرو جارح مزاج اوپنر انجری کا شکارہو کر ایونٹ سے باہر ہو گئے ہیں۔
دائیں ہاتھ کے جارح مزاج اوپنر میتھیو شارٹ افغانستان کے خلاف میچ میں گھٹنے کی انجری کا شکار ہوئے تھے۔ اس انجری کی وجہ سے اب میتھیو شارٹ آئی سی سی چیمپئنز ٹرافی سے مکمل طور پر باہر ہوگئے ہیں۔ ان کی جگہ کوپر کونولی کو شامل کرلیا گیا ہے۔
21 سالہ کوپر کونولی آسٹریلیا کی جانب سے 3 ایک روزہ میچز کھیل چکے ہیں۔ آئی سی سی کی ایونٹ ٹیکنکل کمیٹی نے آسٹریلوی سکواڈ میں تبدیلی کی منظوری بھی دے دی ہے۔
یاد رہے آسٹریلیا 4 مارچ کو بھارت کے خلاف آئی سی سی چیمپئنز ٹرافی کے سیمی فائنل میں مدمقابل ہوگا۔ یہ میچ دبئی میں کھیلا جائے گا، اس میچ سے قبل ہی کینگروز کو دھچکہ لگا ہے۔ یاد رہے کہ آئی سی سی چمپئنز ٹرافی کے سیمی فائنل سے قبل آسٹریلیا کو دھچکا لگا ہے، کینگرو جارح مزاج اوپنر انجری کا شکارہو کر ایونٹ سے باہر ہو گئے ہیں۔
