ویب ڈیسک: پیٹرولیم ڈیلرز نے وفاقی حکومت سے مذاکرات کامیاب ہونے کے بعد کل ہڑتال کی کال واپس لے لی ۔
وفاقی وزیر پیٹرولیم ڈاکٹر مصدق ملک اور پیٹرولیم ڈیلرز ایسوسی ایشن کے رہنمائوں کیدرمیان مذاکرات ہوئے جس میں چیئرمین اوگرا اور وزارت پیٹرولیم کے حکام بھی شریک ہوئے۔
ذرائع نے بتایاکہ مذاکرات کے دوران پیٹرولیم ڈیلرز کی جانب سے پیٹرولیم مصنوعات کی قیمتوں کو ڈی ریگولیٹ کرنے کی تجویز کی مخالفت کی گئی۔
ذرائع کا کہنا تھاکہ پیٹرولیم سیکٹر کی ڈی ریگولیشن کے عمل میں ڈیلرز ایسوسی ایشن سے مکمل ان پٹ لی جائے گی۔
وزیر پیٹرولیم نے آئل سیکٹر کی قیمتوں کی ڈی ریگولیشن کا اعلان کیا تھا۔
دوسری جانب ترجمان پیٹرولیم ڈیلرز کے مطابق پیٹرولیم ڈیلرز ایسوسی ایشن کے وزیر پیٹرولیم سے مذاکرات ہوئے اور ڈیلرز نے کل کی ہڑتال کی کال واپس لے لی۔
