ویب ڈیسک: وزیراعظم شہباز شریف نے ملک کے مختلف حصوں میں سحر و افطار کے اوقات میں گیس لوڈشیڈنگ کی شکایات کا نوٹس لے لیا۔
وزیراعظم نے سحر و افطار کے اوقات میں گیس لوڈشیڈنگ ہونے پر اظہار برہمی کرتے ہوئے پٹرولیم ڈویژن سے رپورٹ طلب کر لی۔
وزیراعظم میاں شہباز شریف نے سختی سے ہدایت کی کہ سحری اور افطاری کے وقت گیس بلا تعطل فراہم کی جائے۔
دوسری جانب ترجمان سوئی ناردرن گیس نے اپنے جاری بیان میں کہا ہے کہ وزیراعظم کی ہدایات پر فوری ایکشن لیتے ہوئے سحر و افطار کے اوقات میں گیس کی فراہمی ہر صورت یقینی بنائی جائے گی، شہری کسی بھی شکایت کی صورت میں 1199 پر رابطہ کریں۔
یاد رہے کہ گزشتہ روز وزیر اعظم شہباز شریف نے چینی کی ذخیرہ اندوزی میں ملوث عناصر کے خلاف سخت کارروائی کا حکم دیا تھا۔
