ویب ڈیسک: سابق وزیراعظم عمران خان کا اڈیالہ جیل میں طبی معائنہ مکمل کرلیا گیا جس میں شوگر لیول اور بلڈ پریشر نارمل آیا۔
رپورٹ کے مطابق بانی پی ٹی آئی عمران خان کے طبی معائنہ کے لئے پاکستان انسٹیٹیوٹ آف میڈیکل سائنسز کی 4 رکنی ٹیم ڈاکٹر الطاف حسین کی سربراہی میں اڈیالہ جیل پہنچی۔
ٹیم میں ڈاکٹر عمر فاروق،محمد علی عارف اور تاشفین امتیاز شامل تھے جس نے عمران خان کا جیل میں طبی معائنہ مکمل کیا، اس کے بعد پمز ہسپتال کے ڈاکٹروں کی چار رکنی ٹیم اڈیالہ جیل سے واپس روانہ ہوگئی۔
ٹیم تقریبا ایک گھنٹہ جیل میں رہی، بانی پی ٹی آئی عمران خان کا طبی معائنہ کیا گیا، جیل ذرائع نے بتایا کہ سابق وزیراعظم کا شوگر لیول اور بی پی نارمل آیا۔
ڈاکٹروں نے مزید ٹیسٹ کے لیے بلڈ سیملز بھی حاصل کیے ہیں، عدالتی حکم پر بانی پی ٹی آئی کا پمز ہسپتال کے ڈاکٹروں سے چیک اپ کرایا گیا۔
