ویب ڈیسک: ڈسٹرکٹ اینڈ سیشن کورٹس اسلام آباد نے اپوزیشن لیڈر عمر ایوب سمیت پی ٹی آئی کے دیگر رہنماؤں کے وارنٹ گرفتاری جاری کردیئے ۔
جوڈیشل مجسٹریٹ شہزاد خان نے چیئرمین پی ٹی آئی بیرسٹر گوہر خان، قائد حزب اختلاف عمر ایوب و دیگر کے خلاف دفعہ 144کی خلاف ورزی کے مقدمات کی سماعت کی۔
عدالت نے دوران سماعت پی ٹی آئی رہنماء عمر ایوب، عامر ڈوگر اور عامر مغل کے عدم حاضری پر وارنٹ گرفتاری جاری کر دیئے جبکہ شعیب شاہین اور بیرسٹر گوہر کی حاضری سے استثنا کی درخواست منظور کر لی۔
عدالت میں بیرسٹرگوہر خان کی جانب سے حاضری سے استثنا کی درخواست دائر کی گئی تھی۔
دوران سماعت ملزمان کی بریت کی درخواستوں پر آج بھی دلائل نہیں ہ وسکے، جس پر عدالت نے سماعت 23 اپریل تک ملتوی کر دی۔
