ویب ڈیسک: رواں برس رمضان المبارک کے دوران دنیا کا سب سے طویل روزہ سوئیڈن اور ناروے جبکہ مختصر ترین روزہ جنوبی امریکی ملک چلی میں ہے ۔
رپورٹس کے مطابق دنیا کا سب سے طویل ترین روزے کا دورانیہ ساڑھے 20گھنٹے جوکہ سوئیڈن اور ناروے میں رکھا جارہا ہے جبکہ گرین لینڈ اور آئس لینڈ میں روزے کا دورانیہ 20گھنٹوں پر مشتمل ہے ۔
دوسری جانب سب سے کم دورانیے کا روزہ جنوبی امریکی ملک چلی میں ہے جہاں روزہ صرف 11گھنٹے کا ہے، عرب ممالک میں سب سے طویل روزہ الجزائر میں ہوتا ہے جس کا دورانیہ 16 گھنٹے 44 منٹ ہے۔
سعودی عرب، مدینہ منورہ، نیویارک، امریکا اور ترکیہ میں روزے کا دورانیہ 13گھنٹے ہے جب کہ پاکستان میں روزے کا دورانیہ 12گھنٹے اور 58 منٹ ہے۔
برازیل، جنوبی افریقا، ارجنٹائن، نیوزی لینڈ، متحدہ عرب امارات ، بھارت اور انڈونیشیا میں روزہ ساڑھے 12 گھنٹے طویل ہے ۔
جنوبی افریقا میں جوہانسبرگ اور کیپ ٹاون کے ساتھ ساتھ پیراگوئے میں سیوڈاڈ ڈیل ایسٹے، یوراگوئے میں مونٹیویڈیو میں روزے کا دورانیہ تقریباً 11سے 12 گھنٹے ہے، یہ بھی دنیا کے مختصر ترین روزے کے دورانیے والے شہروں میں شامل ہیں ۔
