ویب ڈیسک: رمضان المبارک کے آغاز کے ساتھ ہی صوبائی دارالحکومت پشاور میں اشیائے ضروریہ کی قیمتوں کو پر لگ گئے جبکہ کھجوروں کی قیمت نے روزہ داروں کے ہوش اڑا دیئے ۔
تفصیلات کے مطابق رمضان المبارک کی آمد کے ساتھ ہی مختلف اقسام کی امپورٹڈ اور لوکل کھجوروں سمیت افطار کا دسترخوان سجانے والی تمام اشیا کی قیمتوں میں بے تحاشا اضافہ ہوگیا ۔
پشاورکے شہریوں کی بڑی تعداد نے افطار کی خریداری کیلئے بازاروں کا رخ کیا تو کھجوروں کے داموں نے ان کے ہو ش اڑا دیئے جہاں کھجور 450 روپے سے 800 روپے فی کلو میں فروخت ہونے لگی۔
رمضان کی شروعات کے ساتھ ہی افطار میں استعمال ہونے والی زیادہ تر اشیا کی قیمتوں میں اضافہ دیکھنے میں آیا۔
مارکیٹ میں فی کلو بیسن 450 جبکہ دال چنا کی قیمت 350 روپے فی کلو تک جا پہنچی ہے۔
دوسری جانب شہریوں کا کہنا ہے کہ ماہ رمضان میں بھی منافع خوروں کی لگام کھینچنے کے لئے صوبائی حکومت اور ضلعی انتظامیہ کہیں پر بھی موجود نہیں ہے۔
