ویب ڈیسک: فلسطینیوں کو امداد بندش عالمی قوانین/ جنگ بندی معاہدے کی خلاف ورزی ہے، غزہ میں انسانی ہمدردی کی بنیاد پر امداد کی بندش اسرائیل کی منظم مہم کا حصہ ہے۔ یہ باتیں ترجمان دفتر خارجہ نے بتائیں۔ دفتر خارجہ کے ترجمان نے بتایا کہ پاکستان نے لاکھوں مظلوم فلسطینیوں کو اجتماعی سزا کا نشانہ بنانے پر اسرائیل کو جواب دہ ٹھہرانے اور مستقل جنگ بندی اور تنازع کے دو ریاستی حل پر مکمل عملدرآمد کا مطالبہ کیا ہے۔
اس کے علاوہ رمضان المبارک میں اسرائیل کی طرف سے غزہ میں امدادی سامان کی ترسیل روکنے کی بھی شدید مذمت کی گئی ہے۔ ترجمان نے کہا ہے کہ غزہ میں انسانی ہمدردی کی بنیاد پر امداد کی بندش اسرائیل کی منظم مہم کا حصہ ہے۔ ترجمان کے مطابق فلسطینیوں کو امداد کی بندش عالمی قوانین کی صریح خلاف ورزی ہے، جبکہ اس کے ساتھ ساتھ یہ اقدام جنگ بندی معاہدے کے لئے بھی خطرہ ہے۔ عالمی برادری غزہ میں انسانی امداد کی فراہمی یقینی بنائے۔
