ویب ڈیسک: روس یوکرین جنگ کے حوالے سے امریکی صدر ڈونلڈ ٹرمپ نے کہا ہے کہ ڈیل نہ کرنے والا زیادہ دیر یہاں نہیں رہےگا، امریکی صدر ٹرمپ نے یوکرینی صدر زیلنسکی کو جنگ طویل ہو سکتی ہے کے بیان پر سخت تنقید کا نشانہ بنایا۔
ڈونلڈ ٹرمپ نے کہا کہ یوکرینی صدر کو روس کے خلاف جنگ میں امریکا کی طرف سے دیے گئے اربوں ڈالر کی فوجی امداد کی زیادہ قدر کرنی چاہیے۔ روس یوکرین جنگ کے حوالے سے ڈیل جلد ہوسکتی ہے، اسے مشکل ڈیل نہیں ہونا چاہیے، تاہم ڈیل نہ کرنے والا زیادہ دیر یہاں نہیں رہےگا۔
ٹرمپ نے یوکرینی صدر کی جانب اشارہ کرتے ہوئے کہا کہ ڈیل مخالف شخص کو زیادہ دیر سنا نہیں جائے گا، مجھے یقین ہے روس ڈیل کرنا چاہتا ہے، یوکرینی عوام بھی ڈیل چاہتے ہیں۔
