ویب ڈیسک: منصب صدارت سنبھالنے کے بعد کانگریس میں اپنے پہلے خطاب میں امریکی صدر ڈونلڈ ٹرمپ نے کہا کہ دہشتگردی کے خلاف تعاون میں پاکستان کے مشکور ہیں۔
امریکی صدر کا منصب سنبھالنے کے بعد کانگریس سے پہلے طویل ترین خطاب میں ٹرمپ نے کہا کہ انتہاپسند دہشتگردی کے خلاف ہیں، مجھے یہ اعلان کرتے ہوئے خوشی ہےکہ افغانستان میں دہشتگری کا بڑا ذمہ دارپکڑاگیا ہے۔
صدر ٹرمپ نے حکومت پاکستان سے اظہار تشکر کرتے ہوئے کہا کہ اس دہشتگرد کی گرفتاری میں مدد پر پاکستان کا خصوصی طورپر شکریہ اداکرتا ہوں، ساڑھے تین سال پہلے داعش نے 13 امریکیوں کو افغانستان میں قتل کیا، افغانستان میں امریکیوں کو ہلاک کرنے والا اس وقت امریکا لایا جارہا ہے تاکہ وہ امریکا میں قانون کا سامنا کرسکے۔ اپنے خطاب میں امریکی صدر نے افغانستان سے انخلا کو انتہائی شرمناک قرار دیتے ہوئے کہا کہ یہ فیصلہ امریکا کی پوزیشن اور سکیورٹی پالیسی پر منفی اثر ڈال سکتا ہے۔
یاد رہے کہ امریکی صدر ڈونلڈ ٹرمپ نے کانگریس سے تاریخ کا طویل ترین خطاب کیا، ان کے خطاب کا دورانیہ ایک گھنٹہ 39 منٹ اور 31 سیکنڈ تھا، اس سے قبل 1993 میں صدر کلنٹن نے ایک گھنٹہ 5 منٹ تقریر کی تھی۔ یا درہے کہ منصب صدارت سنبھالنے کے بعد کانگریس میں اپنے پہلے خطاب میں امریکی صدر ڈونلڈ ٹرمپ نے کہا کہ دہشتگردی کے خلاف تعاون میں پاکستان کے مشکور ہیں۔
