ویب ڈیسک: آئی ایم ایف اور کیبنٹ ڈویژن، وزارت خزانہ اور سیکرٹری کیبنٹ کے مابین رائٹ سائزنگ کے حوالے سے مذاکرات ہوئے، آئی ایم ایف نے آئندہ سہ ماہی میں ریونیو شارٹ فال پورا کرنے کیلئے پلان بھی طلب کر لیا، اور اس کے ساتھ ہی کہا کہ ریونیو شارٹ فال پر کوئی گنجائش نہیں، آئندہ سہ ماہی میں 3 سو ارب کا شارٹ فال پورا کیا جائے.
بین الاقوامی مالیاتی فنڈ نے مطالبہ کیا ہے کہ اخراجات میں کمی کیلئے رائٹ سائزنگ اقدامات پر بروقت عملدرآمد کیا جائے، کیبنٹ ڈویژن، وزارت خزانہ اور سیکرٹری کیبنٹ سے مذاکرات کے دوران آئی ایم ایف نے آئندہ سہ ماہی میں ریونیو شارٹ فال پورا کرنے کیلئے پلان طلب کر لیا۔
آئی ایم ایف کی جانب سے کہا گیا ہے کہ ریونیو شارٹ فال پر کوئی گنجائش نہیں، آئندہ سہ ماہی میں 3 سو ارب کا شارٹ فال پورا کیا جائے، ایف بی آر کمپلائنس رسک مینجمنٹ اور رسک امپرومنٹ پلان کے تحت اقدامات کئے جائیں۔
آئی ایم ایف وفد کو اس دوران ملک کے بڑے شہروں میں ٹیکس نیٹ سے باہر بڑے ریٹیلرز پر بریفنگ دی گئی، اسلام آباد، کراچی، لاہور میں ہائی رسک کیسز کی تفصیلات بھی پیش کی گئیں، اس موقع پر آئی ایم ایف کی جانب سے ریکوری کی ہدایت کرتے ہوئے کہا گیا کہ اسلام آباد، کراچی اور لاہور میں ہائی رسک کیسز سے ریکوری کی جائے ۔
دستاویز کے مطابق وزارت توانائی، پٹرولیم کیساتھ مذاکرات میں پاور اور پٹرولیم سیکٹر کی کارکردگی کا جائزہ لینے سمیت اسلامک بینکنگ کے اقدامات اور طریقہ کار پر بھی تبادلہ خیال کیا گیا.
