ویب ڈیسک: آڈیو لیک کیس میں وزیراعلیٰ خیبرپختونخوا سردار علی امین گنڈاپور کے جاری ناقابل ضمانت وارنٹ برقرار ہیں،
ڈسٹرکٹ اینڈ سیشن کورٹس اسلام آباد میں وزیر اعلیٰ خیبر پختونخوا کے خلاف آڈیو لیک کیس کی سماعت ایڈیشنل سیشن جج عبدالغفور کاکڑ کی عدم دستیابی کے باعث بغیر کارروائی ملتوی کر دی گئی، جبکہ آج بھی وزیراعلیٰ خیبرپختونخوا پیش نہیں ہوئے۔
سماعت کے موقع پر وزیراعلیٰ خیبرپختونخوا کے وکیل بھی عدالت میں پیش نہ ہوئے جبکہ اس کے برعکس شریک ملزم اسد فاروق عدالت میں پیش ہوئے اور حاضری لگائی۔ اس صورت میں علی امین گنڈاپور کے جاری ناقابل ضمانت وارنٹ گرفتاری برقرار ہیں۔
یاد رہے کہ آڈیو لیک کیس کی آئندہ سماعت 25 مارچ کو ہوگی۔ علی امین گنڈاپور کے خلاف تھانہ گولڑہ میں مقدمہ درج ہے۔
