ویب ڈیسک: صوبہ بلوچستان کے ضلع کوہلو کے جنگلات میں خوفناک آتشزدگی وسیع رقبہ پر پھیل گئی۔
تفصیلات کے مطابق ضلع کوہلو کی تحصیل ماوند کے علاقے دربانی کے پہاڑی سلسلے میں اچانک خوفناک آگ لگ گئی، جس نے دیکھتے ہی دیکھتے کئی کلو میٹر کے علاقے کو اپنی لپیٹ میں لے لیا۔
لیویز اور ریسکیو ذرائع کے مطابق آگ پر قابو پانے کے لیے کوششیں جاری ہیں تاہم آگ کی شدت میں اضافہ ہوتا جارہا ہے۔ ریسکیو عملے کے پاس وسائل کی کمی کے باعث آگ پر قابو پانا مشکل ہوتا جا رہا ہے۔
پہاڑی سلسلے میں درجنوں مقامی آبادی کے گھر ہیں، آگ نے پہاڑی سلسلے کو چاروں طرف سے لپیٹ میں لے لیا ہے، جس کے باعث انسانی آبادی کو شدید خطرات لاحق ہیں۔ یاد رہے کہ صوبہ بلوچستان کے ضلع کوہلو کے جنگلات میں خوفناک آتشزدگی وسیع رقبہ پر پھیل گئی۔
