ویب ڈیسک: وزیراعظم شہباز شریف نے صنعتوں میں درکار ہنر اور کھپت کے مطابق نوجوانوں کو تربیتی پروگرامز فراہم کرنے کے منصوبے کی منظوری دے دی، جبکہ اس سارے منصوبے کی نگرانی وزیراعظم خود کریں گے، جبکہ اس حوالے سے ماہانہ جائزہ اجلاس کی صدارت بھی خود کرنے کا فیصلہ کیا گیا ہے۔
شہباز شریف نے نوجوانوں کو مختلف شعبوں میں تربیت کیلئے مقامی صنعتوں سے مسلسل روابط اور افرادی قوت کے بین الاقوامی اداروں کی کھپت کو مد نظر رکھنے جبکہ مقامی صنعتوں میں درکار ہنر کے حوالے سے جامع ڈیٹا بیس قائم کرنے کی بھی ہدایت دی۔
وزیراعظم کا کہنا تھا کہ پاکستان کے باصلاحیت نوجوان ملک کا سب سے قیمتی اثاثہ ہیں، نوجوانوں کو تربیتی پروگرامز فراہم کرنے یے منصوبے کی منظوری اسی مقصد کے تحت دی ہے کہ ضروری ہنر کی فراہمی سے با اختیار اور بر سر روزگار پیدا کئَے جا سکیں۔ پاکستانی نوجوانوں کو بین الاقوامی معیار کی تربیت کی فراہمی سے افرادی قوت کی برآمد کے فروغ کیلئے اقدامات کر رہے ہیں۔
