ویب ڈیسک: اتار چڑھاو کے بعد سٹاک ایکسچینج میں ایک لاکھ 14 ہزار کی حد دوبارہ بحال ہو گئی ہے۔
تفصیلات کے مطابق پاکستان سٹاک ایکسچینج میں ایک لاکھ 14 ہزار پوائنٹس کی حد بحال ہو گئی ہے، جبکہ دوسری جانب امریکی کرنسی ڈالر کی قیمت میں معمولی کمی ریکارڈ کی گئی ہے۔
کاروباری ہفتے کے آخری روز پی ایس ای میں کاروبار کے آغاز پر تیزی دیکھنے میں آ رہی ہے، اس دوران 100 انڈیکس 677 پوائنٹس کے اضافے کے ساتھ ایک لاکھ 14 ہزار391 پوائنٹس کی حد کو چھونے لگا ہے۔
گزشتہ کاروباری دن کے اختتام پر 1400 سے زائد پوائنٹس کے اضافے کے انڈیکس ایک لاکھ 13 ہزار 714 پوائنٹس پر بند ہوا تھا۔ دوسری جانب انٹر بینک میں امریکی کرنسی ڈالر معمولی سستا ہو گیا، انٹر بینک میں 7 پیسے کی کمی سے ڈالر کی قیمت 279 روپے 75 پیسے ہو گئی ہے۔
