ویب ڈیسک: وفاقی کابینہ کے نئے اراکین کو وزارتیں تفویض کر دی گئیں، طارق فضل چوہدری کو پارلیمانی امور، علی پرویز کو وزارت پیٹرولیم ، حنیف عباسی کو وزیر ریلوے، جبکہ پرویز خٹک کو مشیر برائے امور داخلہ مقرر کر دیا گیا۔ کابینہ ڈویژن نے وزیر اعظم کی منظوری کے بعد نوٹیفکیشن جاری کر دیا۔
اعلامیہ کے مطابق وفاقی کابینہ کے نئے اراکین کو وزارتیں تفویض کر دی گئیں، ان میں طارق فضل چوہدری کو پارلیمانی امور، علی پرویز کو وزارت پیٹرولیم جبکہ حنیف عباسی کو وزیر ریلوے مقرر کر دیا گیا ہے۔
سائنس و ٹیکنالوجی کا قلمدان خالد مگسی کو، آبی وسائل کا قلمدان معین وٹو، محمد جنید انور کو میری ٹائم افیئرز، رضا حیات کو وزارت دفاعی پیداوار اور انفارمیشن ٹیکنالوجی اینڈ ٹیلی کمیونیکیشن کی وزارت شزہ فاطمہ خواجہ کو دے دی گئی۔
سردار محمد یوسف کو وزارت مذہبی امور اور بین المسالک ہم آہنگی، رانا مبشر اقبال کو پبلک افیئرز یونٹ، مصطفیٰ کمال کو وزارت نیشنل ہیلتھ سروسز، ریگولیشنز اینڈ کوآرڈینیشن، اورنگزیب خان کچھی کو قومی ثقافتی ورثے کی وزارت جبکہ مختار احمد ملک کو وزیر مملکت برائے نیشنل ہیلتھ سروسز مقرر کر دیا گیا۔
وزیراعظم کی منظوری کے بعد جاری اعلامیہ کے مطابق طلال چودھری وزیر مملکت برائے داخلہ و نارکوٹکس کنٹرول، وجیہہ قمر کو وزیر مملکت برائے فیڈرل ایجوکیشن اینڈ پروفیشنل ٹریننگ، ملک رشیداحمد خان کو وزیر مملکت برائےنیشنل فوڈ سیکیورٹی اینڈ ریسرچ، عبدالرحمان کانجو کو وزیر مملکت برائے پاور اور پبلک افیئرز یونٹ جبکہ عقیل ملک کو وزیر مملکت برائے قانون و انصاف کی ذمہ داریاں تفویض کر دی گئیں۔
بلال اظہر کیانی کو وزیر مملکت برائے ریلوے، کیسو مل کھئیل داس کو وزیر مملکت برائے مذہبی امور و بین المسالک ہم آہنگی جبکہ محمد عون ثقلین کو وزیرمملکت برائے اوورسیز پاکستانیز اینڈ ہیومن ریسورس ڈویلپمنٹ مقرر کیا گیا ہے۔
سید توقیر حسین شاہ کو مشیر برائے وزیراعظم آفس جبکہ محمد علی کو مشیر برائے نجکاری اور پرویز خٹک کو مشیر برائے امور داخلہ مقرر کر دیاگیا ہے۔
ہارون اختر کو معاون خصوصی برائے انڈسٹریز اینڈ پروڈکشن جبکہ حذیفہ رحمان وزیراعظم کے معاون خصوصی برائے قومی ورثہ اینڈ کلچر، مبارک زیب معاون خصوصی برائے قبائلی امور اور طلحہ برکی معاون خصوصی برائے سیاسی امور مقرر کر دیئے گئے ہیں۔
