ویب ڈیسک: سپریم کورٹ میں 9مئی کے ملزمان کی ضمانت منسوخی کیلئے حکومتی اپیلیں سماعت کے لئے مقرر کردی گئیں ۔
چیف جسٹس آف پاکستان جسٹس یحییٰ آفریدی کی سربراہی میں تین رکنی بنچ 10 مارچ سے اپیلوں پر سماعت کرے گا جبکہ جسٹس مسرت ہلالی اور جسٹس میاں گل حسن اورنگزیب بنچ کا حصہ ہونگے۔
نو مئی کے ملزمان کی ضمانت منسوخی کی 16 اپیلوں پر سماعت 11 مارچ کو ہوگی ،تین رکنی بنچ 12 مارچ کو نو مئی کے ملزمان کی ضمانت منسوخی کی 8 اپیلوں پر سماعت کرے گا۔
واضح رہے کہ پنجاب حکومت نے نو مئی کے ملزمان کی ضمانتیں منسوخ کرنے کیلئے رجوع کر رکھا ہے ۔
