ویب ڈیسک: چین نے پاکستان کے ذمے واجب الادا 2 ارب ڈالر رقم کی مدت میں ایک سال کی توسیع کردی، چین کے 2 ارب ڈالر کے قرض کی واپسی کی مدت 24 مارچ کو مکمل ہورہی تھی۔
تفصیلات کے مطابق پاکستان کے معاشی استحکام اور بحالی کے لئے پاکستان کے دیرینہ دوست چین کا معاشی تعاون جاری ہے، اس حوالے سے چین نے پاکستان کے ذمے واجب الادا 2 ارب ڈالر رقم کی مدت میں ایک سال کی توسیع کردی، وزارت خزانہ کی جانب سے اس حوالے سے جاری اعلامیہ میںبتایا گیا ہے کہ چین نے مطلوبہ مدت میں ایک سال کی مزید توسیع کر دی۔
وزارت خزانہ کے اعلامیہ میں بتایا گیا ہے کہ چین کے 2 ارب ڈالر کے اس قرض کی واپسی کی مدت 24 مارچ کو پوری ہو رہی تھی، وزارت خزانہ نے چین کی طرف سے ایک سال توسیع کی تصدیق کر دی۔وزارت خزانہ ذرائع کے مطابق چین کی جانب سے حالیہ توسیع سے پاکستان کو زرمبادلہ کے ذخائر کو مضبوط رکھنے میں مدد ملے گی۔
