ویب ڈیسک: صوبائی دارالحکومت پشاور میں اڈیالہ جیل کے باہر احتجاجی کیمپ لگانے کیلئے تحریک انصاف کا اجلاس طلب کر لیا گیا ہے۔
تفصیلات کے مطابق پی ٹی آئی کی مرکزی قیادت کا اہم اجلاس آج پشاور میں طلب کرلیا گیا ہے جس میں اڈیالہ جیل کے باہر احتجاجی کیمپ لگانے کے حوالے سے بات چیت کی جائے گی، اور منظوری کے بعد کیمپ لگایا جائے گا۔
ذرائع نے کہا ہے کہ پی ٹی آئی کا اہم ترین اجلاس آج شام افطار کے بعد پشاور میں طلب کیا گیا ہے، تحریک انصاف پنجاب کے تمام سٹیک ہولڈرز کو بھی پشاور بلایا گیا ہے۔ اجلاس میں عالیہ حمزہ سمیت پی ٹی آئی کے دیگر عہددار شرکت کریں گے۔
ذرائع کے مطابق پی ٹی آئی پنجاب نے اجلاس لاہور میں بلانے کا مطالبہ کیا تھا، تاہم سلمان اکرام راجا نے لاہور کے بجائے اجلاس پشاور میں طلب کر لیا ہے، اجلاس میں احتجاجی کیمپ لگانے کا فیصلہ کیا جائےگا، یہ فیصلہ بانی پی ٹی آئی سے ملاقاتوں میں رکاوٹوں پر کیا گیا ہے۔
