ویب ڈیسک: وفاقی نے حکومت ڈیجیٹل پرائز بانڈز متعارف کرانے کا فیصلہ کیا ہے جس کا لین دین موبائل ایپ کے ذریعے ہوگا ۔
ذرائع کے مطابق حکومت ڈیجیٹل پرائز بانڈز متعارف کرانے کا ارادہ رکھتی ہے لین دین موبائل ایپ کے ذریعے کیا جائیگا اور یہ خریداری کے وقت استعمال شدہ لنک شدہ بینک اکاؤنٹ یا سی ڈی این ایس کی بچت اکاؤنٹ میں جمع کر دیے جائیں گے۔
انعامی رقم قابل ٹیکس ہوگی لیکن اس پر زکواة لاگو نہیں ہوگی، ڈیجیٹل پرائز بانڈز چوری، نقصان یا ضیاع کے خطرات کو کم کرے گا اور یہ اقدام معیشت کو دستاویزی شکل دینے، شفافیت کو بڑھانے اور احتساب کو بہتر بنانے میں معاون ثابت ہوگا۔
وزارت خزانہ کی جانب سے تیار کردہ سمری کے مطابق اور دستیاب سرکاری دستاویزات کے مطابق ابتدائی طور پر 500 روپے، 1000 روپے، 5000 روپے اور 10000 روپے کے ڈیجیٹل پرائز بانڈز اس رقم میں جاری کیے جائیں گے جو وزارت خزانہ وقتا فوقتا نوٹیفائی کرے گی۔
ایک بالغ پاکستانی شہری نیشنل سیونگز موبائل ایپ یا سی ڈی این ایس کی منظور شدہ کسی اور چینل کے ذریعے خریداری کر سکتا ہے۔ خریداری کی ادائیگی لنک شدہ بینک اکاونٹ یا سی ڈی این ایس بچت اکاونٹ کے ذریعے کی جائے گی۔
ڈیجیٹل پرائز بانڈز کا انعام موبائل ایپ کے ذریعے ریڈیم کیا جائے گا اور اس کی رقم خریداری کے وقت استعمال شدہ لنک شدہ بینک اکاونٹ یا سی ڈی این ایس بچت اکاونٹ میں جمع کر دی جائے گی۔
سرکاری دستاویزات میں یہ بھی بتایا گیا ہے کہ ڈیجیٹل پرائز بانڈز کی قرعہ اندازی سہ ماہی بنیاد پر کی جائے گی یا وزارت خزانہ کی طرف سے نوٹیفائی کی جائے گی۔ قرعہ اندازی کا شیڈول ہر کیلنڈر سال کے آغاز میں سی ڈی این ایس کی طرف سے اعلان کیا جائے گا۔
انعامی رقم کو لنک شدہ بینک اکاونٹ یا سی ڈی این ایس بچت اکاونٹ نمبر میں جمع کر دیا جائے گا اور ہر قسط کے انعامات کی مقدار وزارت خزانہ کے ذریعے طے کی جائے گی۔ انعامی رقم پر ٹیکس لاگو ہوگا لیکن اس پر زکو لاگو نہیں ہوگی۔
ڈیجیٹل پرائز بانڈ کے خریدار خریداری کے وقت کسی نامزدگی کا تعین کر سکتے ہیں جسے بعد میں تبدیل یا منسوخ کیا جا سکتا ہے۔
