ویب ڈیسک: آسٹریلیا میں طوفان الفریڈ نے قیامت ڈھادی ،نظامِ زندگی درہم برہم ،لاکھوں افراد بجلی سے محروم جبکہ درجنوں افراد زخمی ہو گئے۔
غیر ملکی میڈیا رپورٹس کے مطابق طوفان الفریڈ نے ریاست کوئنز لینڈ اور نیو ساتھ ویلز میں بڑے پیمانے پر تباہی مچائی،تیز ہواؤں کے باعث درخت جڑ سے اکھڑ گئے، کئی عمارتیں تباہ ہو گئیں اور 3 لاکھ سے زائد گھروں اور کاروباری مراکز کی بجلی معطل ہو گئی، جس سے ساڑھے 7 لاکھ افراد متاثر ہوگئے۔
پولیس حکام کے مطابق، امدادی کارروائیوں کے دوران دو فوجی ٹرک آپس میں ٹکرا گئے، جس کے نتیجے میں 36 سولجرز زخمی ہو گئے۔
ایمرجنسی سروسز کے مطابق، نیو ساتھ ویلز میں 16 ہزار سے زائد افراد کو فوری طور پر نقل مکانی کے احکامات جاری کیے گئے ہیں، کیونکہ آگے مزید تیز بارشوں اور ہواؤں کا خدشہ ظاہر کیا جا رہا ہے۔
