ویب ڈیسک: خیبرپختونخوا کابینہ کا اہم اجلاس آج رات طلب کر لیا گیا ہے، اس دوران اہم فیصلے متوقع ہیں۔ تفصیلات کے مطابق خیبرپختونخوا کابینہ کا 27واں اجلاس آج رات 09 بجے کیبنٹ روم سول سیکرٹریٹ میں منعقد ہوگا، جس میں شرکت کرنے کیلئے کابینہ میں شامل 15 وزراء، 5 مشیر اور 12 معاون خصوصی کو دعوت نامے ارسال کئے گئے ہیں۔
سول سیکرٹریٹ میں ہونے والے خیبرپختونخوا کابینہ اجلاس کی صدارت وزیراعلی خیبرپختونخوا علی امین گنڈاپور کریں گے۔ اجلاس کے حوالے سے بتایا گیا ہے کہ خیبرپختونخوا حکومت نے آسامیوں کی تخلیق پر لگی پابندی بھی ہٹانے کا فیصلہ کیا ہے، ساتھ ہی کراچی میں ہونے والے 35 ویں نیشنل گیمز کے لیے فنڈز کی بھی منظوری دی جائے گی۔ یاد رہے خیبرپختونخوا کابینہ کا اہم اجلاس آج رات طلب کر لیا گیا ہے، اس دوران اہم فیصلے متوقع ہیں۔
