ویب ڈیسک: قومی اسمبلی کا اجلاس سپیکر سردار ایاز صادق کی زیر صدارت کل ہو گا، قومی اسمبلی سیکرٹریٹ کی جانب سے 17نکاتی ایجنڈا جاری کر دیا گیا۔
ایجنڈے کے مطابق قومی اسمبلی اجلاس میں ٹیکس ڈیجیٹلائزیشن کے لئے میکنسی فرم کی خدمات حاصل کرنے پر توجہ دلا نوٹس پیش کیا جائے گا، وزیر تجارت جام کمال مانع اغراق محصولات ترمیمی بل 2025 قومی اسمبلی میں پیش کریں گے۔
وزیر داخلہ محسن نقوی تحویل ملزمان ترمیمی بل 2024 ایوان میں پیش کریں گے، وزیر داخلہ سوسائٹیز رجسٹریشن ترمیمی آرڈیننس 2024 آئین کے آرٹیکل 89 کی متقاضیات کے مطابق ایوان میں پیش کریں گے۔
وزیر داخلہ پاکستان شہریت ترمیمی بل 2024 منظوری کے لئے قومی اسمبلی میں پیش کریں گے، مختلف قائمہ کمیٹیوں کی معیادی رپورٹس بھی قومی اسمبلی اجلاس میں پیش کی جائیں گی۔
وفاقی وزیر پارلیمانی امور قومی اسمبلی میں صدر مملکت کے مشترکہ اجلاس سے خطاب کی نقول پیش کریں گے۔
