ویب ڈیسک: مصری ادارے کی جانب سے30سے زائد ممالک میں عیدالفطر 30مارچ کو ہونے کی پیشگوئی سامنے آگئی ہے ۔
مصر کی وزارت اعلیٰ تعلیم اور سائنسی تحقیق سے وابستہ نیشنل انسٹی ٹیوٹ فار ایسٹرانومیکل اینڈ جیو فزیکل ریسرچ نے کہا ہے کہ شوال کا چاند 29مارچ بروز ہفتہ کو29 رمضان 1446 ہجری کی مناسبت سے قاہرہ کے مقامی وقت کے مطابق دوپہر ایک بجے کے فوری بعد پیدا ہوجائے گاجوکہ چاند غروب آفتاب کے بعد 11 منٹ تک رہے گا۔
انسٹی ٹیوٹ نے تصدیق کی کہ عرب اور اسلامی دارالحکومتوں اور شہروں کے لئے اس دن غروب آفتاب کے بعد نیا چاند 3 سے 19منٹ تک دیکھا جا سکے گا۔
انسٹی ٹیوٹ نے عرب اور غیر عرب شہروں کے نام بھی دیے ہیں جن میں شوال کا چاند 29مارچ کو دیکھا جائے گا۔
ادارے کے مطابق مکہ مکرمہ، مدینہ منورہ، ریاض، بغداد، کویت سٹی، نواکشوط، مراکش، فاس، لاغوس، الجزائر، تونس، طرابلس، لیبیا، خرطوم، مقدشیو، انقر، عمان، دمشق، جیزان، قدس شریف، عدن، کیپ ٹان، منامہ، تہران، دوحہ، ابوظہبی، دبئی، مسقط، کوالا لمپور، جکارتہ، برازیلیا، لیما، واشنگٹن، اوٹاوا، لندن، ماسکو اور پاکستان کے شہر کراچی میں بھی چاند دیکھا جاسکے گا ۔
