ویب ڈیسک: پاک افغان بارڈ طورخم سرحد پر کشیدگی کے باعث مذاکراتی جرگہ تعطل کا شکار ہے، افغان جرگہ ممبران مذاکرات کے بغیر طورخم سے کابل روانہ ہوگئے۔
افغان جرگہ نے پاکستانی مذاکراتی جرگہ پر تحفظات کا اظہارکرتے ہوئے موقف اپنایا کہ پاکستانی جرگہ ممبران کی لسٹ میں رد و بدل کیا گیا ہے۔
دوسری جانب پاکستانی جرگہ ممبر جواد حسین کاظمی کا کہنا ہے کہ پاک افغان مشترکہ جرگہ کی طورخم سرحد پر آج حتمی نشست تھی، افغان جرگہ کے سربراہ کے ساتھ مسلسل رابطے میں ہوں۔
انہوں نے کہا کہ افغان جرگہ کو مذاکرات پر آمادہ کریں گے، طورخم کشیدگی کا حل صرف جرگہ مذاکرات ہے۔
