ویب ڈیسک: کینیڈا کی حکمران کے جماعت کے منتخب کردہ رہنما مارک کارنے کل کینیڈین وزارت عظمیٰ کا حلف اٹھائیں گے۔
رپورٹس کے مطابق کینیڈا کی لبرل پارٹی کی جانب سے چند روز قبل بینک آف کینیڈا کے سابق گورنر مارک کارنے کو پارٹی رہنما منتخب کیا گیا تھا۔ اس کے بعد کینیڈین آئین کے مطابق اب مارک کارنے کل کینیڈین وزارت عظمیٰ کا حلف اٹھائیں گے۔
یاد رہے کہ موجودہ وزیر اعظم جسٹن ٹروڈو نے مہنگائی اور امریکا کے ساتھ تجارتی جنگ کی دھمکیوں پر دباؤ کے باعث مستعفی ہونے کا اعلان کیا تھا۔ 53 سالہ جسٹن ٹروڈو نے 2015 میں کینیڈا کی وزارت عظمیٰ کا منصب سنبھالا اور انہوں نے اس کے بعد بھی مسلسل 2 انتخابات میں فتح سمیٹی۔
