ویب ڈیسک: اڈیالہ جیل میں قید بانی پی ٹی آئی عمران خان سے رہنماؤں کی ملاقات نہیں ہو سکی۔
عمر ایوب، شبلی فراز، جنید اکبر ، صاحبزادہ حامد رضا، علامہ راجہ ناصر عباس بھی عمران خان سے ملاقات کے لیے اڈیالہ جیل پہنچے تھے جہاں سے ملاقات نہ ہونے پر واپس روانہ ہو گئے ۔
پی ٹی آئی رہنماؤں نے روانگی سے قبل سپرنٹنڈنٹ اڈیالہ جیل کو خط لکھ دیا، جس میں کہا گیا کہ آپ سیاسی ملاقاتیں نہ کرواکے مسلسل توہین عدالت کررہے ہیں، آپ عدالتی احکامات کی بار بار خلاف ورزی کررہے ہیں۔
سپرنٹنڈنٹ کو لکھے گئے خط میں کہا گیا کہ آپ عمران خان کو بنیادی حقوق سے محروم نہیں رکھ سکتے، آپ ایک قیدی کے بنیادی انسانی حقوق پامال کر رہے ہیں۔
خط میں تنبیہ کی گئی کہ آپ کے خلاف توہین عدالت کی کئی درخواستیں دائر کی جاچکی ہیں ۔
