ویب ڈیسک: امریکا کی 17 ریاستوں میں سیلاب اور خطرناک طوفان کی وارننگ جاری کر دی گئی ہے، موسمیاتی ماہرین نے مزید خدشات کا بھی اظہار کیا ہے، اور خبردار کیا ہے کہ ان ریاستوں کے علاوہ دیگر ریاستیں بھی متاثر ہو سکتی ہیں۔ غیر ملکی ذرائع ابلاغ کے مطابق کیلیفورنیا، کینٹکی، مسی سپی، ایلی نوائے، ٹیننسی، مسوری اور الباما سمیت امریکا کی سینٹرل اور مشرقی ریاستوں میں شدید طوفان کا خطرہ ہے۔
محکمہ موسمیات کی جانب سے اسے ایک بڑا اور خطرناک طوفان بتایا جارہا ہے جو جمعہ سے اتوار تک ریاستوں پر اثر انداز ہوسکتا ہے، 2 درجن سے زیادہ طوفان ملک کے مرکز سے جمعہ کی رات سے ہفتے کی صبح تک ٹکرا سکتے ہیں۔ رپورٹ کے مطابق طوفان کی وجہ سے سیلابی صورتحال کا خدشہ ہے، جبکہ ہوا کے بگولوں اور برفباری کا سامنا بھی ہو سکتا ہے، جس کے باعث نظام زندگی مفلوج ہوسکتی ہے۔
ادھر ریاست کیلی فورنیا میں سیلابی صورتحال نے پہلے ہی سے شدید صورت اختیار کر لی ہے، سیلابی ریلے میں پھنسے لوگوں کو ہیلی کاپٹر کے ذریعے ریسکیو کیا گیا۔ یاد رہے کہ امریکا کی 17 ریاستوں میں سیلاب اور خطرناک طوفان کی وارننگ جاری کر دی گئی ہے، موسمیاتی ماہرین نے مزید خدشات کا بھی اظہار کیا ہے.
